თბილისის საქალაქო სასამართლომ ყოფილი ცოლისა და სიდედრის განზრახ მკვლელობის მცდელობაში ბრალდებულ კაცს 16 წელი მიუსაჯა.

შემთხვევა 2018 წლის 22 დეკემბერს მოხდა. გამოძიების ვერსიით, ბრალდებულმა შვილები თავის საცხოვრებელ ბინაში წაიყვანა, მძინარე ყოფილი ცოლისა და სიდედრის კორპუსის შესასვლელ კართან კიბუნებრივი აირის ცენტრალური მილი გადაჭრა, მასზე რეზინის მილი დააერთა, მეორე ბოლო კი ბინის შესასვლელ კარში მიამაგრა. მოგვიანებით, სიდედრს გაეღვიძა, გაზის სუნი იგრძნო და საპატრულო პოლიცია გამოიძახა.

სამართალდამცველებმა ბრალდებული კაცი 2018 წლის 23 დეკემბერს დააკავეს. მას ბრალდება საქართველოს სისხლის სამართლის კოდექსის 111-19-109-ე მუხლის პირველი ნაწილის ბ ქვეპუნქტით, ამავე მუხლის მეორე ნაწილის ვ ქვეპუნქტით და ამავე მუხლის მესამე ნაწილის ა ქვეპუნქტით (განზრახ მკვლელობის მცდელობა ოჯახის წევრისა და ორი პირის მიმართ, ისეთი საშუალებით, რომელიც განზრახ უქმნის საფრთხეს სხვათა სიცოცხლეს ან ჯანმრთელობას) წარედგინა.