ფორმულა კრეატივის ტელევიზია, ფორმულა ხვალიდან, პირველი ოქტომბრიდან ეთერშია. როგორც On.ge-სთვის არის ცნობილი მაუწყებლობა დილით, 8 საათიდან დაიწყება.

არხის ყურება შესაძლებელია როგორც ე.წ. სახლის ანტენებით, ასევე ე.წ. საკაბელო ტელევიზიებით.

ე.წ. სახლის ანტენებით ფორმულას ნახვა მე-10 არხზეა შესაძლებელი, მაგთის აბონენტებისთვის ტელევიზია მე-19 ადგილზე განთავსდება, სარფი ტვ-ზე 46-ე ადგილზე, მარ ტვ-ზე კი 26-ე არხზე. ფორმულას ყურება შესაძლებელი იქნება myvideo.ge-სა და სილქნეტის ქსელში.

ფორმულას მთავარი საინფორმაციო გამოშვება 20 საათზე გავა, პროგრამა ეთერში კი 5 ოქტომბრიდან ჩაეშვება. არხს 7 ოქტომბრიდან დილის გადაცემა დაემატება, 25 ოქტომბრიდან კი ყოველ პარასკევს, შაბათსა და კვირას კვლავ ეთერში იქნება ჩემი ცოლის დაქალები.

ფორმულამ მაუწყებლობის უფლება 29 აგვისტოს მიიღო.