"მოდით, ნიკა, ჯერ გავფრინდეთ", — ასე პასუხობს მიხეილ სააკაშვილი კითხვას, იქნება თუ არა ის პრემიერ-მინისტრი 2020 წლის არჩევნებზე გამარჯვების შემთხვევაში. მთავარი არხის ეთერში ნიკა გვარამიას კითხვის პასუხად მან განაცხადა ისიც, რომ ამ საკითხზე "ლაპარაკიც ზედმეტია", სანამ საქართველოს სახელმწიფოებრიობა საფრთხეშია.

"ყველას როლს და ყველას ადგილს მიუჩენს ქართველი ხალხი, ღირსეულად", — განაცხადა სააკაშვილმა.

ექსპრეზიდენტმა აღნიშნა ისიც, რომ საქართველოში ახალი "ვარსკვლავები" არიან და თუ "თვალს გავახელთ" მათ დავიანახავთ. მისი თქმით, სწორედ იმ ხალხის პოლიტიკაში მოსვლის დროა.

სააკაშვილმა ისაუბრა იმაზე, რომ 2020 წელს არჩევნებისთვის მნიშვნელოვანია ოპოზიციური სპექტრის მობილიზება და ქართული ოცნების დამარცხება.