ქუთაისის აეროპორტიდან თბილისისკენ მიმავალი OMNIBUS-ის ავტობუსი გორთან გზის სავალი ნაწილიდან გადავიდა. შინაგან საქმეთა სამინისტროში On.ge-ს უთხრეს, რომ შემთხვევის შედეგად ერთი მგზავრი მსუბუქად დაშავდა.

გამოძიება სისხლის სამართლის კოდექსის 276-ე მუხლის მეორე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.