ამომავალი მზის ქვეყანაში შემოდგომის ყველაზე ცხელი ორი კვირა დადგა — რაგბის მსოფლიო ჩემპიონატი დაიწყო. საქართვლოს ნაკრების "შინდისფერი დრაკონი" დღეს, 23 სექტემბერს უელსის ნაკრებს დაუპირისპირდა. მსოფლიო თასზე ჩვენი პირველი მატჩი თბილისის დროით 14:15 წუთზე დაიწყო.

შეხვედრა საკმაოდ რთული აღმოჩნდა, მოწინააღმდეგეებმა უპირატესობის მოპოვება პირველივე ტაიმში შეძლეს. ბრძოლის მიუხედავად, ბორჯღალოსნებმა ქულა ვერ აიღეს და პირველი ტაიმი ანგარიშით 29:0 დასრულდა. გულშემატკივარი ანგარიშს არ შეუშინებია, მეორე ტაიმში გუნდიც და ქომაგებიც უფრო მობილიზებულები იყვნენ.

"კარგი დაცვაა ძმებო, მიდით" — აგულიანებდნენ ერთმანეთს საქართველოს ნაკრების წევრები. ტოიოტა სითიში სტადიონზე ყველას გასაგონად ისმოდა "საქართველო", "ლელო, ლელო", "მიდით ბიჭებოო" და გულშემატკივრების სხვა შეძახილები.

თამაშში ორი ლელოს დადება მოვახერხეთ, თუმცა პირველ შეხვედრაში 43-14 დავმარცხდით. მიუხედავად ამისა, სტადიონზე ბოლო საბრძოლო მომენტებამდე ისმოდა ქართული ფრაზები. ასეთ დაძაბულ წუთებში გულშემატკივრობას კიდევ უფრო დიდი ფასი აქვს. თიბისიმ კი ყველაფერი გააკეთა იმისთვის, რომ სამშობლოში დარჩენილებს, თუ იაპონიაში წასულებს თავი თამაშის მეთექვსმეტე მოთამაშედ ეგრძნოთ.

სანამ საქართველო-უელსი დაიწყებოდა — ბორჯღალოსნები ამომავალი მზის ქვეყანაში

ერთ ჩვეულებრივ დღეს, როცა ამომავალი მზის ქვეყანაში მზე რაგბის ბურთად "ამოვიდა", მთელმა მსოფლიომ გამოწვევა მიიღო. იაპონიის მსოფლიო ჩემპიონატზე "მზის მოტაცების" ამბავს ყველაზე ლამაზად თიბისის ანიმაცია გვიყვება. ამ ფერადმა, მრავალფეროვანმა და იაპონურ სტილში გაფორმებულმა ვიდეომ იმ ადამიანების დიდი მოწონებაც დაიმსახურა, ვინც რაგბის არ გულშემატკივრობს.

გულშემატკივრობა სამშობლოდან

ფოტო: თიბისი ბანკი

მსოფლიო ჩემპიონატზე ბორჯღალოსნებს წინ კიდევ 3 უმნიშვნელოვანესი თამაში ელით. საგულშემატკივრო მუხტი ყველგან უნდა იგრძნობოდეს. ნაკრების მატჩის დღეებში, თიბისი ბანკის თანამშრომლები სათავო ოფისში მატჩის ყურებას შეძლებენ. ბანკში შესულ მომხმარებლებს კი თანამშრომლები ნაკრების მხარდამჭერი მაისურებით დახვდებიან.

თიბისის ბრენდის და კრეატიული პროექტების ხელმძღვანელი, კოკა ქამუშაძე ჩვენთან საუბარში აღნიშნავს, რომ სარაგბო განწყობა და მუხტი თიბისის ფილიალებში მთელი საქართველოს მასშტაბით შეიქმნება.

"იაპონიაში ყველა თამაში სამუშაო დროს ემთხვევა, ამიტომ გადავწყვიტეთ, ფილიალი ისე მოვაწყოთ, რომ სარაგბო განწყობა იყოს. თავიდანვე, თანამშრომელი როცა შევა ბანკში ნახოს, რომ მთლიანად ფილიალში განწყობა იქნება საგულშემატკივრო და ამიტომ თანამშრომლებიც სპეციალურად ჩაცმულები იქნებიან. გარდა ამისა, თვითონ თანამშრომლებისთვისაც იქ სადაც საშუალებას გვაძლევს ოფისი მოეწყობა ზონები, სადაც შეძლებენ თამაშების ყურებას", — თქვა კოკა ქამუშაძემ.

თიბისიმ რაგბის მხარდამჭერი კამპანია მსოფლიო თასის თამაშებამდე ბევრად ადრე დაიწყო. ალბათ, ყველა ნამდვილ გულშემატკივარს უნდა საყვარელი მოთამაშის მაისური, ან ნაკრების წევრების ავტოგრაფიანი ბურთი, მსოფლიო თასზე ნაკრების მთლიანი ფორმა თუ სხვადასხვა ნივთი ჰქონდეს.

რაგბის ონლაინ მაღაზია

ფოტო: Rugbystore.ge

თიბისიმ 2017 წელს საქართველოში პირველად, ბორჯღალოსნებისთვის რაგბის ონლაინ-მაღაზია შექმნა. პროდუქცია მრავალფეროვანია: მაისურები, ჰუდები, ქუდები, ჩანთები, 2019 წლის მსოფლიოზე ნაკრების სათამაშო ფორმა, ბრენდირებული აქსესუარები. რაც მთავარია, აქ ნივთები თქვენი ოჯახის ნებისმიერი სქესისა და ასაკის წარმომადგენლისთვისაა. ასე რომ, ნაკრების ყველა თამაშს შეგიძლია მომზადებული შეხვდე და თავი გუნდის მეთექვსმეტე მოთამაშედ იგრძნო.

ქართველი მორაგბეების პორტრეტები ქუჩებში

ფოტო: ალექსანდრე დავითაშვილი

21 აგვისტოს თბილისის ქუჩებში გამოსულ მოქალაქეებს ავტობუსის გაჩერებებზე მორაგბეების პორტრეტები დახვდათ. კამპანიის მიზანი მარტივი იყო: უკეთ გაგვეცნო მორაგბეები, რომლებიც მსოფლიოსთვის საქართველოს სახეებად იქცნენ. #შეერკინემსოფლიოს — ეს არის ჩვენი მესიჯი მსოფლიოსთვის.

7 იღბლიანი, რომელმაც იაპონიის საგზური მოიგო

ფოტო: ნიკიტა კუტეპოვი

ეს კიდევ ყველაფერი არ არის, 31 აგვისტოს თიბისი ბანკმა და მასტერქარდმა 7 იღბლიანი გამოავლინეს, რომლებიც იაპონიაში გაემგზავრნენ. მათი ნაწილი სწორედ ის ადამიანები არიან, ვინც დღევანდელ მატჩზე ბორჯღალოსნებს შეძახილებით და ტაშით ამხნევებდა.

ერთად შევერკინოთ მსოფლიოს, ბორჯღალოსნების თამაშების განრიგი ასეთია:

  • 29 სექტემბერი - საქართველო-ურუგვაი;
  • 3 ოქტომბერი - საქართველო-ფიჯი;
  • 11 ოქტომბერი - საქართველო ავსტრალია.

ამომავალი მზის ქვეყანაში ბორჯღალოსნების თამაშები გრძელდება. ჩვენ კი ისღა დაგვრჩენია არ დაგვავიწყდეს, რომ რაგბი ყველგან ჩვენი თამაშია და საქართველოს ნაკრებს ქუჩაში, სახლში თუ სამსახურში ერთად ვუგულშემატკივროთ.