სოფელ ჯიხაშკარში ორ უბანზე 8 ოქტომბერს მომხდარი ინციდენტების ფაქტზე შსს-მ გამოძიება სსკ-ს 162-ეს პრიმა და 163-ე მუხლებით უკვე დაიწყო. უწყების ცნობით, სამართალდამცველების მიერ იდენტიფიცირებული და დაკავებულია 79-ე უბანზე დარბევის ორგანიზატორი და უშუალო მონაწილე პირი:

"მის მიმართ ხორციელდება შესაბამისი საგამოძიებო ღონისძიებები. ინციდენტში მონაწილე სხვა პირთა დადგენა-დაკავების მიზნით, ოპერატიულ-საგამოძიებო ღონისძიებები გრძელდება".

უწყების ცნობით, გარდა ზემოაღნიშნულისა, სოფელ ყიზილ-აჯლოში საარჩევნო უბნის ფაქტზე, რომლის შედეგადაც პოლიციის თანამშრომელს ფიზიკური შეურაცხყოფ მიაყენეს, გამოძიება სკ-ს 162-ე პრიმა მუხლით დაიწყო:

"ინციდენტი მოხდა ქუთაისში, სულხან-საბას გამზირზე, 90-ე საარჩევნო უბნის მიმდებარე ტერიტორიაზე, სადაც ერთმანეთს ორი პარტიის მხარდამჭერები დაუპირისპირდნენ. არსებული ინფორმაციით, დაპირისპირების დროს დაზიანდა ტელეკომპანიის კუთვნილი აპარატურა. აღნიშნულ ფაქტზე შსს-მ გამოძიება სისხლის სამართლის კოდექსის 187-ე მუხლის პირველი ნაწილით დაიწყო. გამოძიების ფარგლებში, მიმდინარეობს მოწმეთა გამოკითხვა".

სოფელ ჯიხაშკარის 66-ე ოლქის 79-ე და 108-ე საარჩევნო უბნებზე გაურკვეველი პირები მაშინ შეიჭრნენ, როდეაც ადგილზე ხმების დათვლის პროცესი მიმდინარეობდა.