განსაკუთრებით დიდი ოდენობით ნარკოტიკული საშუალების უკანონოდ შეძენა-შენახვის ბრალდებით, პოლიციამ შიდა ქართლში 1969 წელს დაბადებული პირი დააკავა. ბრალი 8-დან 20 წლამდე თავისუფლების აღკვეთას ითვალისწინებს.

ბრალდებული სოფელი ხურვალეთის ტერიტორიაზე მანქანით გადაადგილებისას შეაჩერეს. გამოძიების ინფორმაციით, პირადი ჩხრეკისას "მეტადონის" შემცველი 84,65 გრამი ნარკოტიკული საშუალება ნივთმტკიცებად ამოიღეს.

გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის საქმეზე სისხლის სამართლის კოდექსის 260-ე მუხლის მე-6 ნაწილის "ა" ქვეპუნქტით მიმდინარეობს.