საქართველოს დაზვერვის სამსახურს თავდაცვის ყოფილი მინისტრი, ლევან იზორია უხელმძღვანელებს. ამ თანამდებობაზე იზორიას დანიშვნის შესახებ ინფორმაციას უწყება ავრცელებს.

"ლევან იზორია სამსახურის მოსამსახურეებს შეხვდა, ასევე გაეცნო სამსახურში განხორციელებულ რეფორმებს. მან ხაზი გაუსვა სამსახურის ყოფილი უფროსის პროფესიონალიზმსა და ღვაწლს ქვეყნისა და სამსახურის წინაშე, მადლობა გადაუხადა დავით სუჯაშვილს და მომავალ საქმიანობაში წარმატება უსურვა", — ნათქვამია საქართველოს დაზვერვის სამსახურის მიერ გავრცელებულ ინფორმაციაში.

ამ პოსტზე ლევან იზორიამ დავით სუჯაშვილი შეცვალა, რომელიც დღეს, 12 სექტემბერს თავდაცვის მინისტრის, ირაკლი ღარიბაშვილის მოადგილედ დაინიშნა.