ცხინვალის დე ფაქტო ხელისუფლებამ ორ გამშვებ პუნქტზე ე.წ. საზღვარი გაურკვეველი ვადით ჩაკეტა. ამის შესახებ ინფორმაცია სააგენტო რეს ცხინვალის სახელმწიფო უსაფრთხოების სამსახურის განცხადებაზე დაყრდნობით ავრცელებს.

ოკუპირებულოი ცხინვალის რეჟიმი გამშვები პუნქტების ჩაკეტვას "საქართველოს მხრიდან მდგომარეობის ესკალაციას" და ე.წ. სასაზღვრო ზონაში "მდგომარეობის გართულებას უკავშირებს".

"სამხრეთ ოსეთის მოსახლეობის უსაფრთხოების უზრუნველყოფის მიზნით, დროებით წყდება გამშვები პუნქტების "რაზდახანსა" და "სინაგურის" ფუნქციონირება", — ნათქვამია განცხადებაში.

სააგენტოს ინფორმაციით, გამშვები პუნქტების მუშაობა "ვითარების დასტაბილურების შემდეგ" აღდგება.