პაატა ბურჭულაძის პარტიის სახელმწიფო ხალხისთვის ერთ-ერთი წევრი დავით ჯანდიერი აცხადებს, რომ ხელისუფლებას რომ არჩევნების გაყალბების სურვილი არ ჰქონოდა, ვერავინ გაბედავდა მარნეულში არეულობის მოწყობას:

"ხელისუფლებამ ვერ შეძლო არჩევნების მშვიდ გარემოში ჩატარება, ამის დასტური არის ის საზარელი კადრები, რომლებსაც ვიღებთ".

მარნეულის სოფელ ყიზილაჯლოში სიტუაცია დაძაბულია, სადაც 48-ე საარჩევნო უბნის ტერიტორიაზე ისვრიან ქვებს, აქვთ ხელკეტები და გამართულია ხელჩართული ჩხუბი.

ქართული ოცნება და ნაციონალური მოძრაობა აღნიშნულ ინციდენტზე ერთმანეთს ადანაშაულებენ.