რუსთავი 2-ის ინფორმაციით, მარნეულის სოფელ ყიზილაჯლოში სიტუაცია დაძაბულია, სადაც 48-ე საარჩევნო უბანს არბევენ.

ტელეკომპანიის ცნობით, საარჩევნო უბნის ტერიტორიაზე ისვრიან ქვებს, აქვთ ხელკეტები და გამართულია ხელჩართული ჩხუბი. რ2-ის ინფორმაციით, ადგილზე საპატრულო პოლიციაა მობილიზებული.

დაშავებულები არიან პატრულის თანამშრომლებიც. ინციდენტის დროს ტერიტორიაზე იყვნენ არასრულწლოვნებიც.

რუსთავი 2-ის ცნობით, დაპირისპირება მას შემდეგ დაიწყო, რაც რამდენიმე პირმა მარკირების გავლა რამდენჯერმე სცადა.