პრემიერ-მინისტრობის კანდიდატს, გიორგი გახარიას ევროპული საქართველოს დეპუტატმა, სერგი კაპანაძემ ჰკითხა ახსენდება თუ არა 20 ივნისის გარდა სხვა შემთხვევა, როცა მოქალაქეები პოლიციაზე ძალადობენ. გახარიამ მხოლოდ პანკისის ინციდენტი გაიხსენა.

დეპუტატმა შეახსენა კორცხელის ინციდენტი და დაპირისპირება ბიბლიოთეკასთან, რაზეც გახარიამ განაცხადა, რომ ეს შემთხვევები გაახსენდა. მორიგ კითხვაზე ახსენდება თუ არა მას ქართული მარშისა და ლევან ვასაძის დაჯგუფებების მხრიდან პოლიციაზე ძალადობა, როცა პოლიცია უმცირესობის ერთ-ერთ აქციას იცავდა, გახარია პასუხობს, რომ არცერთი.

"ეს ჯგუფი თქვენთვის პოლიტიკურად ახლოს არის ეტყობა და მაგიტომ არ გასენდებათ ეტყობა", — განაცხადა სერგი კაპანაძემ. გახარიამ პასუხად ბრალდება კაპანაძეს შეუბრუნა.

ქართული მარში და ლევან ვასაძის დაჯგუფება ხშირად ავრცელებდა ძალადობრივ მოწოდებებს სხვადასხვა სახის აქციების დროს. გარდა ამისა, მათ არაერთხელ სცადეს პოლიციის კორდონის გარღვევა, როცა პოლიცია აქციებს იცავდა. ამ დროს ისინი სიტყვიერ და ფიზიკურ შეურაცხყოფას აყენებდნენ სამართალდამცავებსაც და აქციის მონაწილეებსაც.