ევროპული საქართველოს ერთ-ერთი ლიდერი, გიგა ბოკერია ამბობს, რომ გიგი უგულავა პარტიის დატოვებას არ აპირებს, რაც შეეხება ელენე ხოშტარიას, ბოკერის თქმით, იმედი აქვს, რომ "არც ის და ნებისმიერი სხვა არ აპირებს". ამის შესახებ მან პალიტრანიუსის გადაცემა 360 გრადუსში განაცხადა.

"ჩვენ, განსხვავებით ქართული ოცნებისგან, სადაც ივანიშვილი წყვეტს ყველაფერს და ნაციონალური მოძრაობისგან, სადაც მიხეილ სააკაშვილი სადღაც ღრუბლებშია და პარტიაში ქაოსია, ჩვენ ჩვენს პოლიტიკურ გუნდში დისკუსია გვაქვს ხოლმე და, მათ შორის, ზოგჯერ მწვავე, მნიშვნელოვან საკითხებზე. მაგრამ ეს არ არის ფასეულობითი და ღირებულებითი განსხვავება, რომელმაც შეიძლება რაიმე ტიპის გახლეჩვა გამოიწვიოს", — თქვა ბოკერიამ.

მედიაში რამდენჯერმე გავრცელდა ინფორმაცია იმასთან დაკავშირებით, რომ ელენე ხოშტარია პარტიის დატოვებას გეგმავს.