იუსტიციის მინისტრობის კანდიდატი, თეა წულუკიანი მიჩნევს, რომ გიორგი გახარია ქართული ოცნების გუნდში ერთ-ერთი საუკეთესოა. წულუკიანს სჯერა, რომ გახარია ეფექტური პრემიერ-მინისტრი იქნება. მისივე თქმით, გახარია გააგრძელებს ქართული ოცნების პოლიტიკას, რომელსაც "ძირძველ პოლიტიკას" უწოდებენ.

"ახალ პრემიერს წარმატებას ვუსურვებ. ის პროცესი, თუ როგორ შეირჩა პარტიის შიგნით, მე არ ვყოფილვარ მონაწილე, თუმცა ვიცი და დარწმუნებული ვარ, რომ მთავარი, რის გამოც შეირჩა ბატონი გახარია, არის ის, რომ ჩვენ შორის ერთ-ერთი საუკეთესოა", — განაცხადა თეა წულუკიანმა.

2 სექტემბერს მამუკა ბახტაძემ პრემიერ-მინისტრის პოსტი დატოვა. ქართულმა ოცნებამ ამ თანამდებობაზე შინაგან საქმეთა მინისტრი გიორგი გახარია წარადგინა. გახარიას წარდგენას კრიტიკით შეხვდნენ როგორც ოპოზიციაში, ისე სამოქალაქო სექტორში.

ამავე თემაზე: