დღეიდან, 29 აგვისტოდან 4 სექტემბრამდე თბილისში, ვაჟა-ფშაველას ძეგლიდან ყაზბეგის გამზირის (გუდვილი) მიმართულებით საზოგადოებრივი ტრანსპორტის მარშრუტები შეიცვალა. ინფორმაციას თბილისის მერია ავრცელებს.

შეზღუდვა ვაჟა-ფშაველას გამზირზე მიმდინარე მშენებლობას უკავშირდება. მერიის ცნობით, ავტობუსები: #21, #54, #89, #92 და #150, ასევე, მიკროავტობუსები: #88, #137 და #200 ვაჟა-ფშაველას გამზირიდან ყაზბეგის გამზირისკენ მარიჯანისა და ქავთარაძის ქუჩების გავლით იმოძრავებს.

მათივე ინფორმაციით, კერძო ტრანსპორტი ვაჟა-ფშაველას გამზირიდან ქავთარაძის ქუჩასთან და შემდგომ, ყაზბეგის გამზირთან დასაკავშირებლად, როგორც მარიჯანის, ასევე, თავხელიძის ქუჩებით სარგებლობას შეძლებს.