აშშ-ს პრეზიდენტი, დონალდ ტრამპი დიდი ბრიტანეთის ახლადარჩეულ პრემიერს, ბორის ჯონსონს, ბრექსიტის შემთხვევაში, დიდ სავაჭრო შეთანხმებას დაპირდა. Reuters-ის ცნობით, ამის შესახებ მათ დღეს, 25 აგვისტოს საფრანგეთში მიმდინარე დიდი შვიდეულის სამიტზე შეხვედრისას ისაუბრეს. სააგენტო წერს, რომ ტრამპმა ახალი პრემიერი შეაქო იმისთვის, რომ დიდი ბრიტანეთი ევროკავშირიდან გამოიყვანა.

ბორის ჯონსონის თქმით, ამერიკის შეერთებულ შტატებთან სავაჭრო შეთანხმება რთული იქნება, თუმცა ეს უდიდეს შესაძლებლობებს გაუხსნის ბრიტანელ ბიზნესმენებს. ჟურნალისტებთან საუბრისას ტრამპმა აღნიშნა, რომ ევროკავშირის წევრობა ბრიტანეთს უფრო მჭიდრო სავაჭრო შეთანხმებებისთვის ამუხრუჭებდა.

"ჩვენ ძალიან დიდ სავაჭრო შეთანხმებას ვგეგმავთ — იმაზე დიდს, ვიდრე ოდესმე გვქონია დიდ ბრიტანეთთან", — თქვა ტრამპმა: "ამ გაგებით, მათ აღარ ექნებათ რაიმე დაბრკოლება — მათ აღარ ექნებათ ღუზა ტერფზე, რადგან სწორედ ეს ჰქონდათ მათ. ასე რომ, ჩვენ ვგეგმავთ კარგ სავაჭრო შეთანხმებასა და დიდ რიცხვებს".

31 ოქტომბრამდე სამ თვეზე ნაკლები რჩება და ჯერ კიდევ გაურკვეველია, როგორ, როდის, ან საერთოდ დატოვებს, თუ არა ევროკავშირს დიდი ბრიტანეთი.