Netflix-ზე გადასული ამერიკული ფსიქოლოგიური თრილერი You მეორე სეზონით მალევე დაბრუნდება. სანამ პრემიერის ზუსტ თარიღს გავიგებთ, შოუს შემქნელს, სარა გეიმბლს სურს იცოდეთ, რომ ახალი სერიები წინაზე უფრო საშიში და ავისმომასწავებელი იქნება:

"მეორე სეზონი წინაზე უფრო საშიშია. ის თქვენს მოლოდინებს გააორმაგებს".

ნიუ-იორკში გადაღებული პირველი სეზონი 2018 წლის სექტემბერში გამოვიდა და ის ქეროლაინ კეპნესის იმავე სახელწოდების წიგნზეა დაფუძნებული. მეორე სეზონი იგივე ავტორის 2016 წლის სიქველზე, Hidden Bodies არის აგებული, თუმცა ის, ვისაც წიგნი წაკითხული აქვს, სერიალში ცვლილებებს უნდა ელოდოს.

სერიალისმთავარი გმირი ფსიქოპატი ჯო გოლდბერგია, რომელიც, პირველი სეზონში ჩადენილი საშინელი დანაშაულების შემდეგ ნიუ-იორკიდან ლოს-ანჯელესში გადადის.

შოუს შემქნელი დასძენს, რომ მეორე სეზონში მთავარ პერსონაჟს ბევრი ისეთი გადაწყვეტილების მიღება უწევს, რაც თავადაც არ მოსწონს.