გურიაში ავტოსაგზაო შემთხვევა მსხვერპლით დასრულდა. შინაგან საქმეთა სამინისტროს ინფორმაციით, ავარიის შედეგად 1 პირი დაიღუპა და 8 დაშავდა.

საქმეზე გამოძიება სისხლის სამართლის კოდექსის 276 მუხლის მე-6 ნაწილით მიმდინარეობს, რაც უსაფრთხოების წესების დარღვევას გულისხმობს, რამაც სიცოცხლის მოსპობა გამოიწვია. ამ მუხლით გათვალისწინებული დანაშაული ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.

დღეს, 18 აგვისტოს კიდევ ორი ავარია დასრულდა მსხვერპლით. ერთი თბილისში კლუბ მტკვართან, სადაც 2 ადამიანი გარდაიცვალა. მეორე კი სამტრედია-სენაკის გზატკეცილზე, სადაც, ასევე, 2 ადამიანი გარდაიცვალა.