ნიუ ორლეანში ავიაკატასტროფის შედეგად ჟურნალისტი და მფრინავი დაიღუპნენ. ტელეწამყვანი ნენსი პარკერი სიუჯეტს ამზადებდა მფრინავ კასკადიორზე, როცა თვითმფრინავი ნიუ ორლეანის აეროპორტის მახლობლად ჩამოვარდა.

CNN ტრანსპორტის უსაფრთხოების ნაციონალურ სამსახურზე დაყრდნობით წერს, რომ მფრინავმა საფრენი აპარატის პრობლემა აფრენისთანავე შენიშნა და ავიადისპეჩერს აცნობა. მან ნიუ ორლეანის აეროპორტში დაბრუნების უფლება მიიღო, თუმცა თვითმხილველების ინფორმაციით დაჯდომა ვერ მოახერხა და ჩამოვარდა.

NBC NEWS-ის ინფორმაციით, ნენსი პარკერის სიუჯეტის მიზანი იყო ეჩვენებინა მფრინავის საქმიანობა, რომელიც სარისკო სიტუაციებში ადამიანებს ეხმარება. როგორც CBS NEWS-წერს, 53 წლის ჟურნალისტს არაერთი ჯილდო ჰქონდა მიღებული. მათ შორის ხუთი პრემია ემი ჟურნალისტური საქმიანობისთვის. ბოლო 23 წლის განმავლობაში ის FOX 8-ის თანამშრომელი იყო.