"ვინც საჭიროა, ყველა ჩადის იქ", — ასე უპასუხა უმრავლესობის დეპუტატმა, აკაკი ზოიძემ ჟურნალისტების კითხვას იმაზე, თუ რატომ არ ჩადიან პირველი პირები სოფელ გუგუტიანთკარში, სადაც საოკუპაციო რეჟიმი უკანონოდ ავლებს ე.წ. საზღვარს. მისი თქმით, საოკუპაციო სოფლებს "ვიზიტები არ აკლია".

"კარგით ეხლა რა, ეს ყველაფერი არის რუსეთის მიერ მოფიქრებული და კარგად დაგეგმილი პროვოკაცია. თანამდებობის პირებიც ჩადიან, შესაბამის პროტესტსაც აცხადებენ, დაუყოვნებლივი რეაგირება ხდება საგარეო საქმეთა სამინისტროს მხრიდან, პრემიერ მინისტრის, პარლამენტის თავმჯდომარის მხრიდან, ყველას მხრიდან ვისგანაც შესაძლებელია", — განაცხადა ზოიძემ.

გუგუტიანთკარში უკანონო ბორდერიზაციის პროცესი 7 აგვისტოს, ომის მე-11 წლისთავზე დაიწყო. რუსი სამხედროები ე.წ. საზღვარს ადგილობრივი მაცხოვრებლების ყანებსა და ეზოებში ავლებენ.

"მიაქვთ ნაწილ-ნაწილ, ნაგლეჯ-ნაგლეჯ, ნაკუწ-ნაკუწ და ისხედით თბილისში მშვიდად, თქვენი ხომ არაფერი იკარგება და ვითომ თქვენი არ არის", — ასე მიმართა დღეს, 15 აგვისტოს საზოგადოებასა და ხელისუფლებას გუგუტიანთკარის ერთ-ერთმა მაცხოვრებელმა.

ამავე თემაზე: