13 Reasons Why-ის მესამე სეზონის ფინალური ტრეილერი და სურათები გამოქვეყნდა

ნეტფლიქსმა ფართოდ განხილული სერიალის, 13 მიზეზის რატომ მესამე სეზონის ფინალური ტრეილერი გამოუშვა. როგორც პირველი ტრეილერიდან გავიგეთ, სერიალის მესამე სეზონში ერთ-ერთი მთავარი ანტიგმირი, ბრიუსი უოქერი ცოცხალი არაა.

სწორედ ამ თემის გარშემო ვითარდება მესამე სეზონის სიუჟეტი. "ვინ მოკლა ბრიუს უოქერი?" — ესაა კითხვა, რომელიც სერიალში ისმის და იმის გამო, რომ მან ბევრი პერსონაჟის ცხოვრებაში ითამაშა ცუდი როლი, ეჭვმიტანილი ყველა შეიძლება იყოს.

"მინდა გავიგო, ვინ მოკლა ჩემი შვილი", — ამბობს უოქერის დედა ტრეილერში და ის დახმარებას კლეი ჯენსენს სთხოვს.

"მის გარეშე სამყარო ბევრად უკეთესია", — ამბობს თავად კლეი სერიალის ახალ გმირ გოგონასთან.

13 მიზეზი რატომ ჰანა ბეიკერის (კეტრინ ლენგფორდი) გარეშე 23 აგვისტოს დაბრუნდება და მასში ტრადიციულად 13 სერია იქნება. სერიალის პროდიუსერი მომღერალი და მსახიობი სელენა გომეზია.