Realme მალე გახდება პირველი კომპანია, რომელიც 64-მეგაპიქსელიანი კამერის მქონე სმარტფონს გამოუშვებს. ზემოთ მოცემულ ფოტოზე Realme-ს ახალი ოთხკამერიან სმარტფონს ხედავთ. მისი მთავარი 64-მეგაპიქსელიანი კამერა, დიდი ალბათობით, სამსუნგის 1/1,7-ინჩიან ISOCELL Bright GW1 სენსორს იყენებს.

Realme-მ ახალი სმარტფონით გადაღებული რამდენიმე სრული გარჩევადობის (9 216 x 6 912) ფოტო გაავრცელა.

ქვემოთ მოცემული ფოტოს სრული ზომით ნახვა ამ ბმულზე შეგიძლიათ.

ფოტო: Realme

ქვემოთ მოცემული ფოტოს სრულ იზომით ნახვა ამ ბმულზე შეგიძლიათ.

ფოტო: Realme

48-მეგაპიქსელიანი სესორების მსგავსად, სამსუნგის GW1 სტანდარტულ რეჟიმში 16-მეგაპიქსელიან ფოტოებს აწარმოებს. სენსორი ამის მისაღწევად რამდენიმე პიქსელს აერთიანებს.

Realme არ არის ერთადერთი კომპანია, რომელიც სმარტფონში ამ ტიპის კამერების ჩამონტაჟებას გეგმავს. 64-მეგაპიქსელიან სმარტფონზე გუშინ Xiaomi-მაც ისაუბრა, რომელიც ასეთ ტელეფონს Redmi-ს ბრენდის ქვეშ გამოუშვებს.

Xiaomi-მ ასევე განაცხადა, რომ უახლოეს მომავალში, შესაძლოა, ბაზარზე კომპანიისგან 108-მეგაპიქსელიანი კამერის მქონე სმარტფონიც გამოჩნდეს, თუმცა 108-მეგაპიქსელიან სენსორზე სამსუნგს ჯერ ოფიციალურად არ უსაუბრია.