ტელეკომპანია GTV-ის რეპორტიორმა, აზადარ ჰუსეინმა პენჯაბის რეგიონში, გარისკა თავისი სიცოცხლე, როცა წყალდიდობას აშუქებდა. ის ტელევიზიის პირდაპირ ეთერში ყელამდე წყალში მდგომი ჩაერთო და მდინარე სინდის ადიდების შესახებ აუღელვებლად მოჰყვა.

სოციალურ ქსელში ჟურნალისტის თავდადება ბევრმა მოიწონა, ბევრმა გააკრიტიკა. ტვიტერის მომხმარებელმა სახელად ჰუსეინმა დაწერა, რომ "ჟურნალისტის პასუხისმგებლობის მაჩვენებელი უმაღლეს დონეზეა". იყვნენ ისეთებიც, ვინც ამბობდა, რომ სამსახურის გამო სიცოცხლის საფრთხეში ჩაყენება არ ღირს.