27 ივლისს მოსკოვში რამდენიმე ათასიანი საპროტესტო აქცია ჩატარდა, სადაც მოქალაქეები თავისუფალ არჩევნებს ითხოვდნენ. ამის პარალელურად რუსეთის პრეზიდენტი წყალქვეშ დაცურავდა.

კრემლის ინფორმაციით, ვლადიმერ პუტინმა მეორე მსოფლიო ომის დროს ჩაძირული წყალქვეშა ნავი Щ-308 "სემგა" მოინახულა. რუსეთის პრეზიდენტი 50 მეტრ სიღრმეზე ჩავიდა, რასაც ერთი საათი დასჭირდა. გარდაცვლილთა პატივსაცემად ამავე ადგილას მემორიალური დაფა დაიდგა.

ფოტო: კრემლი

ფოტო: კრემლი

აქციებისა და დაკავებების ფონზე პრეზიდენტის მოგზაურობას სოციალურ ქსელში არაერთგვაროვანი რეაქცია მოჰყვა.

"წერენ, რომ პუტინი ფსკერზე დაეშვა, თითქოს და ეს ახალი ამბავია".

"პუტინმა მორიგი ფსკერი გამოიკვლია. თურმე კიდევ არის ჩასასვლელი ადგილი".