მოსკოვში საპროტესტო აქციების პარალელურად, სამართალდამცავები ოპოზიციურ და დამოუკიდებელ ტელევიზიებშიც გამოჩნდნენ. კერძოდ, გავრცელდა ვიდეომასალა, სადაც ჩანს , რომ სპეცდანიშნულების რაზმის თანამშრომლები ნავალნი Live-ის სტუდიაში იჭრებიან, დოჟდის შენობაში კი პოლიცია შედის.

ვიდეოში ჩანს, რომ ნავალნი Live-ის სტუდიაში, საიდანაც ანტისახელისუფლებო საპროტესტო აქცია პირდაპირ ეთერში გადაიცემოდა, შესვლის შემდეგ სპეცრაზმი ჟურნალისტებს ძირს აწვენს. პროდიუსერი ლუბოვ სობოლი წერს, რომ ამ დრომდე დაკავებული ყავთ არხის ოთხი თანამშრომელი.

რაც შეეხება ტელეკომპანია დოჟდის შენობაში პოლიციის შესვლას, არხის ინფორმაციით, მათ ოქმი მიუტანეს მთავარ რედაქტორს და დაკითხვაზე დაიბარეს. ის აქციების საკითხზე მოწმედაა დაბარებული.

ბოლო მონაცემებით, მოსკოვში ოპოზიციური აქციის დაშლის დროს, დაახლოებით, 700 მოქალაქეა დაკავებული. ხელისუფლება განმარტავს, რომ აქცია არასანქცირებულია.