ამერიკული ჟურნალი ფორბსი ყოველწლიურად აქვეყნებს მსოფლიოს უმდიდრესი ადამიანების სიას.

ფორბსის მონაცემებით, 2015 წელს ამერიკელი ბიზნესმენი და პრეზიდენტობის კანდიდატი დონალდ ტრამპი სიაში 405-ე ადგილს იკავებს. შარშან მისი ქონება 4,1 მილიარდ აშშ დოლარს შეადგენდა.

ამავე მონაცემებით, 2015 წელს 291-ე ადგილზეა საქართველოს ყოფილი პრემიერმინისტრი ბიძინა ივანიშვილი 5,2 მილიარდი ამერიკული დოლარის ოდენობის ქონებით.

ფორბსის ცნობით, 2016 წელს ორივე მილიარდელის ფინანსური მდგომაროება გაუარესდა.

ამერიკის უმდიდრესი ადამიანების სიის მიხედვით, 2016 წელს, ასეულობით მილიონი აშშ დოლარის დანაკარგის შემდეგ, დონალდ ტრამპის ქონება 3,7 მილიარდ აშშ დოლარს შეადგენს.

7 საფეხურით დაიწია და 298-ე ადგილზე გადაინაცვლა ბიძინა ივანიშვილმა ფორბსის მსოფლიოს უმდიდრესი ადამიანების სიაში. მისი ქონება 2016 წლის მონაცემებით 400 მილიონი აშშ დოლარითაა შემცირებული და $4,8 მილიარდს შეადგენს.