მსახიობი ჯეფ ბრიჯესი ტელეკომპანია FX-ის სერიალში, The Old Man-ში ითამაშებს. ოსკაროსანი მსახიობისთვის ეს პირველი მუდმივი სატელევიზიო როლი იქნება.

სერიალი ამავე სახელის ბესტსელერ ნოველას ეფუძნება, რომლის ავტორიც თომას პერია. მთავარი გმირი დენ ჩეისია, რომლის როლსაც ბრიჯესი შეასრულებს. ათწლეულების წინ ის ჩუმად წამოვიდა CIA-დან, რადგან სასჯელისთვის თავი აერიდებინა და მას შემდეგ თავისუფლად ცხოვრობს. თუმცა, წლების შემდეგ, მის კვალზე გასვლას მკვლელი ცდილობს, ძველი აგენტი კი ხვდება, რომ სამომავლო ცხოვრების უზრუნველსაყოფად ძველი უნარები უნდა გამოიყენოს.

სერიალისთვის სცენარს ჯონ სტეინბერგი და რობერტ ლევილი დაწერენ და ასევე აღმასრულებელი პროდიუსერები იქნებიან. სერიალის წარმოება 2019 წლის შემოდგომაზე დაიწყება.