განახლება: მომღერალი ხელწერილის საფუძველზე გაათავისუფლეს.

მომღერალი თიკა ჯამბურია დედასთან ერთად დააკავეს. ამის შესახენ ინფორმაციას Prime Time ავრცელებს. მათივე ცნობით, იგი პოლიციაში გადაიყვანეს, ხოლო ინციდენტი მანქანის არასწორ პარკირებას უკავშირდება.

გამოცემის ინფორმაციით, ადგილზე მყოფი პატრულის თანამშრომლები ამბობენ, რომ დაკავებულებმა პოლიციელებს ფიზიკური შეურაცხყოფა მიაყენეს.

შინაგან საქმეთა სამინისტროში On.ge-ს უთხრეს, რომ საქმეზე გამოძიება ადმინისტრაციულ სამართალდარღვევათა კოდექსის 173-ე მუხლით მიმდინარეობს, რაც პოლიციელის მიმართ დაუმორჩილებლობას გულისხმობს. სამართალდარღვევა ითვალისწინებს დაჯარიმებას 1 000 ლარიდან 4 000 ლარამდე ოდენობით ან ადმინისტრაციულ პატიმრობას 15 დღემდე ვადით.