იუსტიციის საბჭოს წევრი დიმიტრი გვრიტიშვილი, რომელიც უზენაესი სასამართლოს მოსამართლეების გასაუბრებაზე საბჭოს თავმჯდომარის მოვალეობას ითავსებს კანდიდატად მყოფ გენერალურ პროკურორს გამოესარჩლა.

"ბატონი შალვა არის გულწრფელი თავის პასუხებში, ამიტომ ახლა ტერმინებზე, სიტყვებზე ნუ გამოვეკიდებით", — განაცხადა გვრიტიშვილმა.

მან რამდენჯერმე გააწყვეტინა საუბარი საბჭოს არამოსამართლე წევრებს და "თხოვნით მიმართა", რომ კანდიდატთან დისკუსიაში არ შევიდნენ. მომხდარი გააპროტესტა არამოსამართლე წევრმა, ანა დოლიძემ და განაცხადა, რომ გვრიტიშვილი პროცესში კანდიდატის სასარგებლოდ ერთვება, რაც არასწორია. კამათის დროს საუბარში საბჭოს სხვა მოსამართლე წევრებიც ჩაებნენ და განაცხადეს, რომ ანა დოლიძეს პროცესის ჩაშლა სურს.

პასუხად არამოსამართლე წევრმა, ნაზი ჯანეზაშვილმა დიმიტრი გვრიტიშვილს შეახსენა, რომ ის საბჭოს კანონით არჩეული თავმჯდომარე არ არის და უფლბამოსილება არ აქვს, რომ მათ კითხვის დასმის ფორმაზე მიუთითოს.

შალვა თადუმაძე უკვე ერთი წელია, რაც გენერალური პროკურორია. მანამდე, ექვსი წლის განმავლობაში, მთავრობის ადმინისტრაციის საპარლამენტო მდივანი იყო. თადუმაძე ეწეოდა საადვოაკტო საქმიანობას. ის ბიძინა ივანიშვილის პირადი იურისტი იყო.

ამავე თემაზე: