იუსტიციის უმაღლეს საბჭოში უზენაესი სასამართლოს მოსამართლეობის გასაუბრებაზე მყოფმა გენერალურმა პროკურორმა, შალვა თადუმაძემ განაცხადა, რომ არ აინტერებს რას ფიქრობს ომბუდსმენი. მისი თქმით, უზენაესის მოსამართლეების შეფასების საკითხი ობუდსმენის კომპეტენციას სცდება, ამიტომ მისი აზრი "ისეთივე უმნიშვნელოა, როგორც ნებისმიერი მათემატიკოსის, რომელმაც ალბათობის თეორია ჩემზე უკეთ იცის".

"საერთოდ არ მიმაჩნია ომბუდსმენი იმ უფლებამოსილ პირად, რომელმაც შეიძლება შეაფასოს უზენაესი სასამართლოს მოსამართლის ლეგიტიმაცია. უზენაესი სასამართლო არის ხელისუფლება უფრო გარანტირებული, უფრო დიდი დიდი თავი ეთმობა კონსტიტუციაში და მისი როლი უფრო მაღალია ვიდრე ომბუდსმენის", — განაცხადა მან.

შალვა თადუმაძე უკვე ერთი წელია, რაც გენერალური პროკურორია. მანამდე, ექვსი წლის განმავლობაში, მთავრობის ადმინისტრაციის საპარლამენტო მდივანი იყო. თადუმაძე ეწეოდა საადვოაკტო საქმიანობას. ის ბიძინა ივანიშვილის პირადი იურისტი იყო.