სიმპსონების შემქმნელმა, მეტ გრენინგმა დაადასტურა, რომ ცნობილი სიტკომის 2007 წლის ფილმის სიქუელი გამოვა.

2019 წლის კომიკ-კონის ფარგლებში გამართულ პრესკონფერენციაზე, გრენინგმა თქვა, რომ მას შემდეგ, რაც 20th Century Fox დისნეის მფლობელობაში გადავიდა, კომპანიას ეკუთვნის სიმპსონებიც.

სწორედ ამიტომ, დისნეი მზადაა, რომ მსოფლიოს ერთ-ერთი ყველაზე პოპულარული შოუსგან სარგებელი თავადაც ნახოს.

"ეჭვი არაა, რომ სიმპსონებზე კიდევ ერთი ფილმი გამოვა. ჩემი აზრით, დისნეისაც სურს მოგების ნახვა", — თქვა გრენინმა, თუმცა მას ფილმის მეორე ნაწილის გამოსვლის თარიღზე სიტყვა არ დასცდენია, რაც იმის მანიშნებელია, რომ ჰომერს, მარჯის, ბარტს, ლიზასა და მეგის მონაწილეობით ახალ სურათს უახლოეს მომავალში არ უნდა ველოდოთ.

მეტ გრენინგი

მეტ გრენინგი

ფოტო: GETTY IMAGES

იმის მიუხედავად, რომ 2007 წელს გამოსული The Simpsons Movie ანიმაციურ სერიალზე დაფუძნებულ ყველაზე მაღალშემოსავლიანი ფილმი გახდა, გრენინგი ამბობს, რომ ის თავად საკულტო სერიალისთვის არამომგებიანი იყო:

"სიმპსონების პირველმა ფილმმა თითქმის გაგვანადგურა, თუმცა ეს 2007-ში იყო და ამ გამოცდილებისგან თითქმის განვიკურნეთ".

აქვე გეტყვით, რომ სიმპსონებმა ჯერ კიდევ 1998 წელს იწინასწარმეტყველეს, რომ დისნეი 20th Century Fox-ს ხელში ჩაიგდებდა.