განახლებული მრგვალი ბაღის გახსნაზე მისულ თბილისის მერს, კახა კალაძეს აქცია #სირცხვილიას მონაწილეები თვალზე აფარებული ხელით დახვდნენ. აქტივისტების თქმით, ტერიტორია პოლიციას ჰქონდა შემოსაზღვრული და მათ შესვლის უფლება არ მისცეს.

ეს პირველი შემთხვევა არ არის, როდესაც აქტივისტები კახა კალაძეს თვალზე აფარებული ხელით დახვდნენ. ეს ჟესტი 20-21 ივნისის მოვლენების პროტესტის სიმბოლოდ იქცა.

აქცია #სირცხვილიას მონაწილეები უკვე ერთი თვეა შინაგან საქმეთა მინისტრის, გიორგი გახარიას გადადგომას ითხოვენ.