IRI-ის კვლევის მიხედვით, მოსახლეობის 79 პროცენტი ფიქრობს, რომ რუსეთი საქართველოსთვის პოლიტიკური საფრთხეა, 57 პროცენტის აზრით კი — ეკონომიკური. მხოლოდ გამოკითხულთა 5-დან 7 პროცენტამდე ფიქრობს, რომ რუსეთი საქართველოს ეკონომიკური და პოლიტიკური პარტნიორია. ამავე კვლევით, რუსეთთან დიალოგს მხარს გამოკითხულთა 75 პროცენტი უჭერს.

ფოტო: IRI-ის კვლევიდან

IRI-ს დაკვეთით საზოგადოებრივი აზრის კვლევა IPM-მა, 20 მაისიდან 11 ივნისის ჩათვლით ჩაატარა. საქართველოს მასშტაბით გამოიკითხა 1 500 ადამიანი. კვლევის ცდომილება 2,5 პროცენტს შეადგენს.