მისტერ რობოტის მეოთხე სეზონის პირველი ტიზერი უკვე გამოვიდა და როგორც ჩანს სერიალში დაძაბულობა პიკს აღწევს. ტიზერი სიუჟეტის შესახებ ინფორმაციას საერთოდ არ გვაძლევს, თუმცა მუსიკა და სცენის განათება საკმაოდ მძიმე, ბნელ ატმოსფეროს ქმნის. ამ ყველაფრის ფონზე კი სერიალის მთავარ გმირს ელიოტს კითხვებს უსვამენ:

"რამდენი ადამიანი დაზარალდა შენს გამო, რომ ის მიგეღო რაც გინდოდა? რამდენი, ელიოტ? რამდენი ადამიანი უნდა იტანჯებოდეს შენს გამო. ეს ყველაფერი ღირდა ამად? "

ელიოტი არ პასუხობს, თუმცა ორი აზრი არ არსებობს, რომ წინა სამი სეზონის განმავლობაში საკმაოდ ბევრ ადამიანს მიადგა ზიანი.

მთავარ გმირს რამი მალეკი ასრულებს. ის ჰაკერია, დისოციაციური პიროვნული აშლილობით, რომელიც ნარკოტიკებს მოიხმარს. მან შეძლო და ამერიკის ციფრული ეკონომიკა თითქმის ბოლომდე გაანადგურა. რა გველის მეოთხე სეზონში ამ ეტაპზე უცნობია. სერიალის შემქმნელების განცხადებით ეს ფინალური სეზონია.