Mindhunter-ის მეორე სეზონის პირველ კადრებში ჩარლზ მენსონს ვხედავთ

16 აგვისტოს არაფერი დაგეგმოთ, რადგან ფსიქოლოგიური დრამა გონებაზე მონადირე ნეტფლიქსზე მეორე სეზონით ბრუნდება.

სერიალის პირველი სეზონი ნეტფლიქსზე 2017 წელს გამოვიდა. მასში FBI-ის აგენტები ფსიქოლოგ ვენდი კართან ერთად სასტიკი მკვლელების ისტორიებს ეცნობიან. აგენტები ციხეებში მიდიან და საშიშ დამნაშავეებთან პირად გასაუბრებებს მართავენ, რაც მათ სამომავლოდ სერიული მკვლელების ფსიქოლოგიის გაგებაში, ქცევების ამოხსნასა და გაანალიზებაში დაეხმარებათ.

სერიულ მკვლელებზე გადაღებული სერიალის მეორე სეზონში მოქმედება 1979-1981 წლებში მოხდება და პირველი სეზონიდან 2 წელი იქნება გასული (ისევე, როგორც რეალურ სამყაროში). სიუჟეტი ფოკუსირდება ატლანტას სერიულ მკვლელობებზე, რომელსაც მინიმუმ 28 ბავშვი, თინეიჯერი და მოზარდი ემსხვერპლა.

დევიდ ფინჩერის პროდიუსერობით გადაღებული სერიალის მეორე სეზონში სულ 9 ეპიზოდს უნდა ველოდოთ. სურათებით ვიგებთ, რომ კვლავ ვიხილავთ FBI-ის აგენტების დუოს, ჰოლდენ ფორდისა (ჯონათან გროფი) და ბილ ტენჩის (ჰოლტ მაკკელანი) და დაახლოებით წარმოდგენაც გვექმნება მათ ბედ-იღბალზე.

სურათებიდან ასევე ვიგებთ, რომ მეორე სეზონში ჩარლზ მენსონის როლის შემსრულებელს ვიხილავთ. ამ ეტაპზე კი მხოლოდ ის დაგვრჩენია, რომ სერიალის პირველ ტრეილერს დაველოდოთ.

ბოლო ამბები:

გირჩევთ

Mindhunter-ის მეორე სეზონის პირველ კადრებში ჩარლზ მენსონს ვხედავთ

კომენტარები

კვირის ტოპ-5

გირჩევთ

ახლა კითხულობენ

დავით თარხან-მოურავი: საქართველოც ამერიკული ქვეყანაა, რუსეთი დამარცხდა ანუ ამერიკა ამარცხებს მას