ფენტეზის ჟანრის, კომედიის და ტელეეკრანების უგვირგვინო გენიოსის, ჯონი დეპის, მოყვარულთათვის სასიხარულო ამბავია, კარიბის ზღვის მეკობრეების მეხუთე ნაწილის, მკვდრები ზღაპრებს არ ყვებიან თიზერი გამოვიდა.

ერთი შეხედვით მარტივად მისახვედრია, რომ ფილმი ტრადიციულ სტილს არ კარგავს - ბნელი ფერები, იდუმალებით მოცული ზღვის ნაპირები, მძიმე საუნდტრეკები და ცოხალ-მკვდარი მეკობრეები ბრიტანელი ჯარისკაცების წინააღმდეგ.

თიზერი გვამცნობს, რომ კაპიტანი ჯეკ ბეღურა ახალ "შარში" გაეხვა და მისი მტრების სია კიდევ უფრო გაიზარდა. სამწუხაროდ, თიზერი არ გვაძლევს ინფორმაციას იმის შესახებ, ამჯერად რა ხრიკებით აპირებს ბეღურა თავის გადარჩენას, ისიც კი უცნობია სად იმყოფება ან როგორ და როდის გადაიმტერა ეს მეკობრეები.

ჯერ-ჯერობით დაუზუსტებელია ინფორმაცია ფილმის გამოსვლის თარიღის შესახებ. ცნობილია, მხოლოდ ის, რომ მკვდრები ზღაპრებს არ ყვებიან 2017 წელს გამოვა. ინტერნეტ ჭორებით თუ ვიმსჯელებთ მას ან მაისში ან ივლისში უნდა ველოდოთ.

კარიბის ზღვის მეკობრეების ფილმების სერია 2003 წელს დაიწყო. პირველი ფილმი შავი მარგალიტის წყევლა, იმდენად წარმატებული აღმოჩნდა, რომ Walt Disney Pictures-მა გადაწყვიტა გაგრძელება ტრილოგიის სახით შემოეთავაზებინა.

მეორე ფილმი, მიცვალებულის სკივრი, 2006 წელს გამოვიდა. ფილმმა პრემიერის დღეს ფინანსური რეკორდები მოხსნა. რამაც შემქმნელებს ისე აღუძრა მადა რომ მესამე ნაწილი, მსოფლიოს დასასრული, გაცილებით უფრო მალე, 2007 წელს გამოვიდა.

მიუხედავად იმისა, რომ თავიდან ერთი ფილმი, შემდეგ კი ტრილოგია დაიგეგმა დისნეი არ გაჩერდა და 2011 წლის 20 მაისს ეკრანებზე ახალი ნაწილი გამოუშვეს, სახელით - უცნაურ ნაპირებზე. ამ ფილმს მაყურებელთა ნაწილი საკმაოდ სკეპტიკურად შეხვდა ვინაიდან ორლანდო ბლუმისა და ნატალია პორტმანის გარეშე ფილმი ვერ წარმოედგინათ, თუმცა პენელოპა კრუზმა ჯონი დეპისთვის პარტნიორობის ღირსეულად გაწევა შეძლო. ფილმმა $1 მილიარდზე მეტი შემოსავალი ნახა, რისი წყალობითაც მსოფლიო კინოს ისტორიაში, მაღალი შემოსავლის მქონე ფილმებს შორის მერვე ადგილი დაიკავა. კარიბის ზღვის მეკობრეები იყო პირველი კინო-ფრენჩაიზი, რომელშიც ერთზე მეტმა ფილმმა $1 მილიარდზე მეტი შეაგროვა.

ასე იქცა ცბიერი, მოღალატე, თავკერძა მეკობრის თავგადასავალი მსოფლიოს ერთ-ერთ ყველაზე რეიტინგულ და მაღალშემოსავლიან ფილმად. შესაბამისად, ახალი ნაწილის მოლოდინი საკმაოდ დიდია. დაველოდოთ, შეძლებენ თუ არა ვოლტ დისნეი და ჯონი დეპი კინომოყვარულთა იმედების გამართლებას.