ბათუმში, კავკასიის უნივერსიტეტის ახალი კამპუსისა და სკოლის მშენებლობის პრეზენტაციაზე განათლების მინისტრის მოადგილის, ირინა აბულაძის სიტყვით გამოსვლისას ბანერი ჩამოვარდა. აბულაძე დაცემას გადაურჩა და სიტყვით გამოსვლა ხელით დაჭერილი ბანერის ფონზე გააგრძელა.

ინციდენტი მინისტრის მოადგილემ წარმატების ნიშნად მიიჩნია.

"ეს მივიღოთ, როგოც ნიშნანი. ნიშანი იმისა, რომ ეს პროექტი იქნება ძალიან წარმატებული", — განაცხადა მან.

კავკასიის უნივერსიტეტის ახალი კამპუსის და სკოლის მშენებლობის პრეზენტაციას პრეზიდენტი სალომე ზურაბიშვილი და აჭარის მთავრობის თავმჯდომარე თორნიკე რიჟვაძეც ესწრებოდა.