პარლამენტის წინ მიმდინარე ჰომოფობიურ აქციაზე აქცია #სირცხვილიას მონაწილეების მიმართ ძალადობრივ და მუქარის მოწოდებებს ავრცელებენ. დემონსტრანტების თქმით, ორგანიზატორებს აქციის ჩატარების უფლებას არ მისცემენ.

ამ წუთებში ანტიოკუპაციური აქციის მონაწილეები პუშკინის სკვერში იკრიბებიან. ჰომოფობიური აქციის მონაწილე ამტკიცებს, რომ სკვერში ნაციონალური მოძაობის წევრები მიდიან. მისი თქმით, თუ პარლამენტთან მივლენ ნახავენ რაც მოხდება.

მანვე აღნიშნა, რომ თუ მთავრობა ვერ ახერხებს, ნაციონალურ მოძრაობას დღეს თავად "დაამთავრებენ". ჰომოფობიური აქციის მონაწილეებმა, პარლამენტის წინ პარაკლისი გადაიხადეს და ილოცეს. აქცია #სირცხვილიას მონაწილეები პარლამენტის წინ შეკრებილებთან მშვიდობიანად, ხელებაწეულები მისვლას აპირებენ.

დღეს, 8 ივლისს #სირცხვილია-ს მე-19 დღეს პარლამენტთან ჰომოფობიური ჯგუფის წარმომადგენელები შეიკრიბნენ და აქციის გამართვა დაიწყეს.