ბოლო რამდენიმე დღეში სამხრეთ კალიფორნიაში ორი ძლიერი მიწისძვრა მოხდა. პარასკევს, 5 ივლისს, CBS Los Angeles-ის ახალი ამბების წამყვანები ხუან ფერნანდესი და სარა დონჩი პირდაპირ ეთერში იყვნენ, როდესაც ბიძგები დაიწყო.

სარამ მაყურებელს სიმშვიდისკენ მოუწოდა და უთხრა, რომ რყევები სტუდიაშიც იგრძნობოდა.

"უნდა დავრწმუნდეთ, რომ სტუდიაში არაფერი მოხდება".

წამყვანებს ეტყობოდათ, რომ მოულოდნელი ბიძგების დროს შეშინდნენ. დონჩიმ ფერდინანდს მკლავში ხელი ჩაავლო და თვალებგაფართოებულმა თქვა, რომ მიწისძვრა ძალიან ძლიერი იყო.

"8:21 საათზე ძალიან ძლიერი მიწისძვრაა. ხუან, სასწრაფოდ უნდა შევძვრეთ მაგიდის ქვეშ", — თქვა მან და წამყვანებმა დაუგეგმავი სარეკლამო ჭრა გამოაცხადეს.

მიწისძვრის სიმძლავრე 7,1 მაგნიტუდა იყო. CNN-ის ინფორმაციით, ამ დრომდე 130 ადამიანია გადაყვანილი თავშესაფარში. გადაიხარა რამდენიმე შენობა და დაიბზარა გზები. გაზის გაჟონვის შედეგად რამდენიმე ადგილზე იყო ხანძარი, ამის გარდა, წყლის მილების გახეთქვისას დაიტბორა სახლები. დაშავდა რამდენიმე ადამიანი. სან-ბერნანდინოს ამ დრომდე წყალი და ელექტროენერგია არ მიეწოდება.

5 ივლისის მიწისძვრა წინა დღის მოვლენაზე (4 ივლისის მიწისძვრის სიმძლავრე 6,4 მაგნიტუდა იყო) 5-ჯერ დიდი და 11-ჯერ უფრო მძლავრი აღმოჩნდა.

სოციალურ მედიაში კალიფორნიის სხვადასხვა ადგილებში მიწისძვრის დროს გადაღებული ვიდეოები გავრცელდა. ნახეთ მათი ნაკრები: