პარლამენტთან აქციის მე-14 დღე დასრულდა. ხვალ, აქციის მე-15 დღეს პარლამენტთან მომღერლები ოკუპაციის წინააღმდეგ აქცია-კონცერტს გამართავენ. უკვე ცნობილია იმ შემსრულებლების სია, რომლებიც საქართველოს პარლამენტის წინ დაუკრავენ და იმღერებენ.

  1. KayaKata;
  2. სოფო ბათილაშვილი;
  3. ნიკა კოჩაროვი;
  4. ერეკლე დეისაძე;
  5. მწვანე ოთახი;
  6. მარტივი გამოსავალი;
  7. ჯგუფი არა;
  8. რობი კუხიანიძე;
  9. მაია დარსმელიძე;
  10. გია თოიძე;
  11. გიორგი უშიკიშვილი;
  12. თამრიკო ჭოხონელიძე;
  13. ანიტა რაჭველიშვილი;
  14. თერიკა და დასავლელი;
  15. Kung Fu Junkie;
  16. Bedford Falls;
  17. Mellow;
  18. LOUDspeakers;
  19. The BearFox;
  20. Four Dimensional Monster Lobsters და სხვები.

"გავრილოვის ღამეს" ჰყავს დაზარალებული, დასახიჩრებული და დამცირებული მშვიდობიანი დემონსტრანტები, რომელთა ნაწილსაც სახლამდე სდიეს, დამიზნებით ესროლეს, სკვერებში ჩაუსაფრდნენ, ავტოფარეხის სახურავიდან გადმოაგდეს, თვალები დასთხარეს. უკვე 2 კვირაა, ვიკრიბებით პარლამენტთან და ვითხოვთ შს მინისტრის გადაყენებას, 4 ივლისს კი, პროტესტის მე-15 დღეს, ოკუპაციის წინააღმდეგ პროტესტს უერთდებიან მუსიკოსები", — აცხადებენ ორგანიზატორები.

#სირცხვილია

საქართველოში ანტისაოკუპაციო აქციები #სირცხვილია მე-14 დღეა მიმდინარეობს. სამოქალაქო პროტესტი რუსი დეპუტატის სერგეი გავრილოვის საქართველოში ვიზიტმა და პარლამენტის თავმჯდომარის სკამიდან რუსულ ენაზე განცხადების გაკეთებამ გამოიწვია. შედეგად, გავრილოვმა საქართველო დატოვა, პარლამენტის თავმჯდომარე გადადგა. რუსეთმა საქართველოს "დასჯა განიზრახა" და სანქციების ბერკეტი აამოქმედა: რუსულ ავიახაზებს საქართველოში ფრენა აუკრძალა, რამდენიმე ღვინის ექსპორტიორი კომპანია დაბლოკა და აქციები "რუსოფობიად" მოიხსენია. ამის პარალელურად, დიპლომატიურმა კორპუსმა და მოქალაქეებმა ტურისტების მოზიდვის მიზნით დაიწყეს კამპანია #spendyoursummeringeorgia.

პარლამენტის თავმჯდომარის გადადგომას წინ უსწრებდა 20 ივნისის ღამე, როცა შსს-ს სპეციალურმა რაზმმა აქცია ძალის გამოყენებით რეზინის ტყვიებით, ცრემლსადენი გაზითა და წყლის ჭავლით დაშალა. მათი პოზიციით, იგეგმებოდა საქართველოს პარლამენტზე, როგორც ინსტიტუტზე შტურმი და დამხობა. დაშლის დროს დაშავდა ასობით ადამიანი, მათგან ორმა თვალი დაკარგა, ერთ-ერთი კი ამ დრომდე კომატოზურ მდგომარეობაში, სამედიცინო დაწესებულებაში რჩება. შედეგად, აქციები ამ დრომდე გრძელდება შინაგან საქმეთა მიინისტრის გიორგი გახარიას გადაგომის მოთხოვნით.