პრემიერ-მინისტრმა მამუკა ბახტაძემ ბოლო დღეებში ქვეყანაში მიმდინარე მოვლენების შეფასებისას თქვა, რომ ქართულ ოცნებას გუნდში არავინ ჰყავს ისეთი, ვინც "თავის სკამს გამოეკიდება". ამის შესახებ მან დღეს, 17 ივნისს გამართულ პრესკონფერენციაზე თქვა.

პრემიერის თქმით, მმართველ გუნდს პოლიტიკური პასუხისმგებლობის აღება არ უჭირს:

"ასე მოხდა, როცა გადადგა გენერალურ პროკურორი, ასევე შემიძლია ვთქვა, როცა გადადგა პარლამენტის თავმჯდომარემ, ირაკლი კობახიძე".

ბახტაძე გამოეხმაურა რუსთაველის გამზირზე აქციის მონაწილეების მთავარ მოთხოვნას, შს მინისტრის გიორგი გახარიას გადადგომაზე და თქვა, რომ "პროვოკაციაზე უნდა აიღოს პასუხისმგებლობა დესტრუქციულმა ძალამ, რომელმაც გამოიყენა მოქალაქეების გულწრფელი პროტესტი თავის იარაღად".