შინაგან საქმეთა სამინისტროს ინფორმაციით, ქვემო ფონიჭალაში მომხდარ მკვლელობაში ბრალდებული დააკავეს. დაკავებული არასრულწლოვანია.

შსს-ს ცნობით, რომ ბრალდებულმა ლ.შ-მ მიმდინარე წლის 29 სექტემბერს, თბილისში, რუსთავის გზატკეცილზე, ურთიერთშელაპარაკებისას, ცივი იარაღის გამოყენებით, სახის არეში მსუბუქად დაჭრა 1999 წელს დაბადებული ო.ყ., ხოლო გულმკერდის არეში - 2000 წელს დაბადებული ა.ბ, რომელიც საავადმყოფოში გარდაიცვალა. ლ.შ. შემთხვევის ადგილიდან მიიმალა.

სამართალდამცველებმა ბრალდებული ცხელ კვალზე, თბილისში დააკავეს. პოლიციამ დანაშაულის ჩადენის იარაღი - დანა ნივთმტკიცებად ამოიღო.

ქვემო ფონიჭალაში, მაჟორიტარობის დეპუტატის მხარდამჭერ აქციაზე დაწყებული ურთიერთშელაპარაკების შემდეგ, 15 წლის პირი დაჭრეს, მოგვიანებით კი იგი საავადმყოფოში გარდაიცვალა.

რუსთავი 2-ის ცნობით, ინციდენტი ახალგაზრდებს შორის ქართული ოცნების მაჟორიტარი დეპუტატობის კანდიდატის მხარდამჭერი კონცერტის მსვლელობისას დაიწყო, რის შემდეგაც მათ ტერიტორია ხმაურით დატოვეს. მოგვიანებით კი გაიგეს, რომ ერთ-ერთი ახალგაზრდა დაჭრეს.