აქცია #სირცხვილიას წევრები ხვალ 7 საათზე ივანიშვილის რეზიდენციისკენ მოაწყობენ მსვლელობას. ამის შესახებ ორგანიზატორებმა ახლახანს განაცხადეს.

გარდა ამისა, აქციის მე-10 დღეს, 29 ივნისს დაგეგმილია თავისუფლების მარში, რომელიც რესპუბლიკის მოედნიდან დაიძრება თავისუფლების მოედნისკენ.

აქცია #სირცხვილია უკვე მე-7 დღეა მიმდინარეობს. აქამდე დემონსტრანტები მსვლელობით მივიდნენ ქართული ოცნების ოფისთან და კანცელარიასთან. ასევე, მოაწყვეს საავტომობილო მსვლელობა შინაგან საქმეთა სამინისტროსთან.