დომენი უნიკალური ელქტრონული მისამართია, რომელიც ვებ–გვერდს ინტერნეტ სამყაროში ყველაზე დიდი აუდიტორიის წინაშე წარადგენს. ვებ–გვერდის მფლობელებისთვის დომენი ერთგვარი პირველი შთაბეჭდილებაა მომხმარებელზე. შესაბამისად, საუკეთესო დომენური სახელის შერჩევა ერთ–ერთი ყველაზე აუცილებელი წინაპირობაა წარმატებული ვებ–გვერდის შექმნისთვის.

ამიტომ, სანამ დომენს დაარეგისტრირებთ, საჭიროა რამდენიმე მნიშვნელოვან ფაქტორს მიაქციოთ ყურადღება:

იფიქრეთ, როგორც მომხმარებელმა

თქვენი ბრენდისთვის ყველაზე შესაბამისი დომენის მოფიქრებისას ძალიან დაგეხმარებათ თუ ვერსიებს მომხმარებლის თვალით შეხედავთ. რა ტიპის სახელები შეესაბამება ყველაზე მეტად თქვენი საქმიანობის სფეროს და მათგან რომელია ყველაზე მარტივად დასამახსოვრებელი? რომელი მათგანი გამოხატავს ყველაზე კარგად და ორიგინალურად თქვენს ბრენდს?

აქციეთ თქვენი დომენი ბრენდად

რეალურ ცხოვრებაში ადამიანები წარმოდგენებს ერთმანეთზე პირველივე შეხვედრისას ვიქმნით. ზუსტად იგივე პრინციპით მუშაობს ციფრული სამყაროც და სწორედ ამიტომ, ეცადეთ დომენის სახელმა მაქსიმალურად ბევრი თქვას თქვენს საქმიანობაზე, ღირებულებებსა და მისიაზე.

დაარეგისტრირეთ თქვენი სახელის ყველა შესაძლო ვერსია

როგორც წესი, საქართველოში ბრენდისთვის სახელის ერთ ან ორ ვერსიას ირჩევენ მაშინ, როცა მსოფლიო პრაქტიკით კომპანიები ათეულობით დომენს არეგისტრირებენ თავიანთი ბრენდის ქვეშ. ამის მიზეზი კი ისაა, რომ დომენის სახელი თავის მფლობელს მთელს ინტერნეტ სამყაროში წარმოადგენს და მისი ყველა შესაძლებელი ვერსიის ფლობა ძალიან საჭიროა. კარგი იქნება თუ მოიძიებთ ინფორმაციას თქვენი ბრენდის სახელის პოტენციური ბეჭდვითი შეცდომებისა და მიმსგავსებული ვერსიების შესახებ და ეცდებით, რომ თითოეული მათგანი თქვენ გეკუთვნოდეთ.

იმედი გვაქვს, ეს ზოგადი ინფორმაცია და რჩევები მიმართულებას მოგცემთ საუკეთესო და თქვენს საქმიანობაზე მორგებული დომენის შერჩევაში. ვებ–გვერდის დარეგისტრირებისთვის ეწვიეთ ბმულს.