ამერიკაში, ქრისტიანულმა ორგანიზაციამ პეტიცია შექმნა, რომელიც Netflix-ს ტელესერიალი Good Omens-ის სტრიმინგის მოხსნას ითხოვდა.

პეტიციას ხელს 21 116-მა ადამიანმა მოაწერა. მოთხოვნაში ეწერა, რომ ნეტფლიქსმა თავისი პლატფორმიდან ეს სერიალი უნდა მოაშოროს. თუმცა, საქმე ისაა, რომ Good Omens-ს არა ნეტფლიქსის, არამედ Amazon-ის შექმნილია.

"ეს სერიალი ეშმაკებს და სატანისტებს, როგორც ნორმალურს და კარგს ისე გვიჩვენებს და ღვთის გმობითაა დაკავებული", — წერია პეტიციაში.

პეტიციის ხელმომწერთა სიაში არიან ადამიანები, რომლებიც ასევე აპროტესტებენ იმ ფაქტს, რომ სერიალში ღმერთი ქალის ხმითაა წარმოდგენილი. ანტიქრისტე წარმოდგენილია ჩვეულებრივი ბავშვის სახით და აპოკალიფსის ოთხი მხედარი ნაჩვენებია, როგორც ბაიკერების ჯგუფი.

"გთხოვთ, ხელი მოაწეროთ ჩვენს პეტიციას. ვუთხრათ ნეტფლიქსს, რომ ჩვენ მშვიდად ვერ ვუყურებთ, თუ როგორ ანადგურებენ იმ შემზარავ ბარიერს, რომელიც ჩვენ გვაქვს ბოროტების მიმართ."

პეტიცია ორგანიზაცია Christian Return to Order-ის ვებსაიტზე 20 ივნისს გაქრა. მათივე ვებსაიტის მიხედვით, Return to Order ამერიკული საზოგადოებაა, რომელიც იცავს ტრადიციას, ოჯახს და კერძო საკუთრებას.

ამ ყველაფერს ნეტფლიქსი იუმორით მიუდგა

"კარგი, გპირდებით, მეტს აღარ ვიზამთ"

ხუმრობის ხასიათზე მოვიდნენ კომპანია ამაზონშიც და ტვიტერზე ნეტფლიქსს მიმართეს

"თუ თქვენ Good Omens-ს გააუქმებთ, ჩვენ Stranger Things-ის ჩვენებას შევწყვეტთ."


ამ ამბავს წიგნის ერთ-ერთი ავტორი, ნილ გეიმანიც გამოეხმაურა

"მომწონს, რომ ისინი აპირებენ ნეტფლიქსს მიმართონ ტელესერიალის გასაუქმებლად. ეს ამბავი ყველაფერს ამბობს"

კომპანია Amazon-ის ტელეშოუ Good Omens ანგელოზ აზირაფალის და ბოროტი სულის, კროულის ამბავს ყვება, რომლებიც ცდილობენ სამყარო აპოკალიფსისგან და ანტიქრისტეს მოსვლისგან იხსნან. სერიალი ცნობილი ბრიტანელი ფანტასტი მწერლების, ნილ გეიმანის და ტერი პრეტჩეტის ამავე სახელწოდების 1990 წელს გამოსული ერთობლივი რომანის მიხედვითაა შექმნილი.