"უპრეცედენტოს ვუწოდებ", — ასე შეაფასა ქართული ოცნების გენერალურმა მდივანმა, კახა კალაძემ 2020 წელს პროპორციული წესით არჩევნების ჩატარება. ამ გადაწყვეტილების შესახებ ქართული ოცნების ლიდერმა, ბიძინა ივანიშვილმა განაცხადა.

მისივე თქმით, მნიშვნელოვანია ისიც, რომ ბარიერი უქმდება, რითაც ქართულმა ოცნებამ ნებისმიერ პოლიტიკურ პარტიას მისცა საშუალება, მოხვდეს პარლამენტში.

"მგონია, რომ ეს ჩვენ მოგვცემს იმის შესაძლებლობას, რომ სხვადასხვა პოლიტიკური შეხედულების მქონე ადამიანებს, ეყოლებათ თავიანთი წარმომადგენლები საქართველოს პარლამენტში", — თქვა კალაძემ.

2020 წელს არჩევნების პროპორციული წესით ჩატარება იყო ერთ-ერთი მოთხოვნა, რომელსაც რუსთაველზე შეკრებილი მოქალაქეები ითხოვენ.