ქართული ოცნება - დემოკრატიული საქართველოს ერთ-ერთი წევრის ზვიად ძიძგურის თქმით, ნაციონალური მოძრაობის ბრალდება, იმასთან დაკავშირებით, რომ არჩევნებში არადამაკმაყოფილებელი შედეგის გამო, შესაძლოა, ივანიშვილმა ქვეყანა დატოვოს, არასერიოზულად მიაჩნია, ამის შესახებ მან რუსთავი 2-თან ისაუბრა:

"ნაციონალური მოძრაობის ლიდერები ანეკტოდების მოყოლაზე არიან გადასულები, იმიტომ რომ, როცა სააკაშვილს ჰყავდა ჯარი, პოლიცია, უშიშროება, კუდი, სუდი, მაშინ დაამარცხა ოპოზიციიდან ბიძინა ივანიშვილმა და ახლა თურმე ბიძინა ივანიშვილს ნაციონალური მოძრაობა უგებს და უნდა წავიდეს. კარგით რა ხალხო".

დღეს ერთიანმა ნაციონალურმა მოძრაობამ განაცხადა, რომ არჩევნებში არადამაკმაყოფილებელი შედეგის მიღების შემთხვევაში ბიძინა ივანიშვილს ქვეყნის დატოვების გეგმა შემუშავებული აქვს.