ენმ-მ საგანგებო ბრიფინგი გამართა, რომელზეც პარტიის წევრმა, ნიკა მელიამ განაცხადა, რომ არჩევნების შემდეგ ბიძინა ივანიშვილმა შესაძლოა ქვეყანა დატოვოს. მისი თქმით, აღნიშნულ ინფორმაციას ნაციონალური მოძრაობა სანდო წყაროზე დაყრდნობით ასაჯაროვებს:

"რამდენიმე დღის წინ ივანიშვილი შეხვდა მის უახლოეს გარემოცვას, რომელზეც დგას ივანიშვილს არაფორმალური მმართველობა და უთხრა, რომ არადამაკმაყოფილებელი შედეგის შემთხვევაში იგი დატოვებს ქვეყნის ფარგლებს და ამის შემდეგ მოხდა ის, რაც ჩვენ ვიხილეთ გუშინ და გუშინწინ. ჩვენ მიგვაჩნია, რომ მიუხედავად იმისა, რომ 4 წლის განმავლობაში ივანიშვილმა ყველა დარგი უკან გაწია და წინსვლა ვერ განახორციელა, მიგვაჩნია, რომ ივანიშვილის მიერ ქვეყნის დატოვება არის ძალიან ცუდი".

გიგა ბოკერიამ კი მოუწოდა ივანიშვილს, არ დატოვოს ქვეყანა არჩევნების შემდეგ და მისი გარემოცვა ხელისუფლების ოპოზიციაში გადავიდეს:

"ეს სჭირდება ჩვენი ქვეყნის ევროპულ, ნორმალურ განვითარებას. ჩვენი პოლიტიკური გუნდის ხელმძღვანელობაში არის სრული კონსესუსი. მიუხედავად ამ წლების განმავლობაში ივანიშვილისა და მისი გუნდის ჩვენი აზრით ჩადენილი არაერთი დანაშაულისა, არჩევნებში მათი გარდაუვალი მარცხისა, არ უნდა განხორციელდეს მათ მიმართ სისხლის სამართლის დევნა. ჩვენ გვეყოლება ყოფილი ხელისუფლება ოპოზიციაში და არა ციხესა და დევნილობაში".