ბიზნესმენის, ლევან ვასაძის განცხადებით, აქვს ინფორმაცია, რომ მისი ფიზიკური განადგურების მცდელობა იგეგმება. ამის შესახებ მან ვერის ბაღში განაცხადა.

მისივე თქმით, ეს იგეგმება იმისთვის, რომ მთავრობას დაბრალდეს. ის თავის მომხრეებს მოუწოდებს, თუ ეს მოხდება, მთავრობას არ დააბრალონ, რადგან ეს არის პროვოკაცია.

"იგეგმება იმისთვის, რომ დაბრალდეს მთავრობას, ბიძინა ივანიშვილს. გუშინდელიდან გადავედით მშვიდ რეჟიმში, მაგრამ ლელო არ გაგვიტანია. სახელმწიფომ ჩვენ მიმართ დადებითი ნაბიჯი გადმოდგა. ღმერთმა დამიფაროს, არ მჯერა რომ ასეთი რამ შესაძლებელია... [თუ მოხდა] არ იქნება ხელისუფლების ბრალი, ეს იქნება პროვოკაცია ხელისუფლების წინააღმდეგ. ვაგრძელებთ მშვიდობიან თვითორგანიზებას", — თქვა ვასაძემ.