გაზეთ რეზონანსისთვის მიცემულ ინტერვიუში ეკა ბესელია აცხადებს, რომ თინა ხიდაშელს იმ მასშტაბის პიროვნებად არ მიიჩნევს, რომ შემფასებლად მიიჩნიოს.

ქართული ოცნების წევრი ყოფილ თანაგუნდელზე აცხადებს, რომ მისთვის მოსალოდნელია ხიდაშელის პოზიცია, თუმცა პერსონალური კინკლაობას არ აპირებს და მასთან ყოველთვის მხოლოდ საქმიანი ურთიერთობა ჰქონდა:

"თუ მის გამონათქვამს არაეთიკურად ჩავთვლი, პასუხს მიიღებს, საერთოდ არ მაინტერესებს რას ფიქრობს ჩემზე. სხვისი მასშტაბი და ღირსება რომ შეაფასო, ამისთვის ინგლისურის კარგი ცოდნა კი არა, მასშტაბში აზროვნება და შეფასების კარგი უნარია საჭირო. ახლა მას ბიძინა ივანიშვილიც აღარ მოსწონს და მე მოვეწონები?"

ხიდაშელსა და ბესელიას შორის დაპირისპირება მას შემდეგ დაიწყო, რაც ბესელიამ TV პირველში განაცხადა, რომ არ ახსოვს რესპუბლიკელების მიერ შექმნილი დოკუმენტი, რომელიც საგამოძიებო კომისიის შექმნას ეხებოდა, რის საპასუხოდაც ხიდაშელმა თქვა, რომ ბესელია არასდროს ჩაუთვლია იმ მასშტაბის ფიგურად, რომ მისთვის რამე დოკუმენტი გაეგზავნა.